Mere Allah Ki Hamd-o-Sana Yeh Dil Mai Rehti Hai,

Ta'reef-e-Muhammad Mustafa Yeh Dil Mai Rehti Hai!

Khuda Ki Khalq Ka Aaqaa Tu Hi Sab Kuch Tu Hi Imaa(n), 

Teri Baate Teri Yaade Rawaa Yeh Dil Mai Rehti Hai!

Mai Mangta Hu Tere Dar Ka Mujhe Bakhshish Ataa Kar Do, 

Teri Nazre Karam Ki Har Adaa Yeh Dil Mai Rehti Hai!

Shifaa-e-Qalb-e-Muztar Hai Teraa Zikr-e-Jameelaana, 

Hayaat-e-Jaavedaani Ki Ghiza Yeh Dil Mai Rehti Hai!

Gadaaye Dar Hu Tera Phir Yeh Mahroomiye Dar Kyu Kar? 

Tamnnaye Hazoori Ay Shahaa Yeh Dil Mai Rehti Hai!

Pareshanam Pareshanam Hisaar-e-Gham Mai Tanha Hu, 

Agithni Ay Mere Yaawar Nidaa Yeh Dil Mai Rehti Hai!

Tere Daaman Mai Chup Jaaoo Ba-Roz-e-Hashr Ya Sanadi, 

Bigaare Kon Phir Mera? Rijaa Yeh Dil Mai Rehti Hai!

Tawaaf-e-Koo-e-Yaara Ho Naseebah Iss Nikamme Ka,

Madeene Mai Jeeyu Mar Kar Dua Yeh Dil Mai Rehti Hai!

Mere Murshid Sar-a-Pa Ilm o Aamil Bi Al-Shariah Hai,

Murawwat In Ki Hai Imaa(n) Fizaa Yeh Dil Mai Rehti Hai!

Yeh Do Jismo Mai Aik Marde Safa-o-Ilm-o-Paarsaayi,

Mere Akhtar Ki Tasweer-e-Ziya Yeh Dil Mai Rehti Hai!

Muhaddith-e-Zamaana Yeh Udhar Taaj-e-Shariat Hai,

Mahabbat In Se Imaa(n) Ki Jilaa Yeh Dil Mai Rehti Hai!  

Khaar-e-Dasht-e-Taybah Ki Jagah Zahid bane Haaris,

Hifz-e-Phool-e-Taybah Ki Riza Yeh Dil Mai Rehti Hai!

Penned by Mufti Zahid Hussain al-Qadri, 4th Safar 1434 AH

www.thesunniway.com